di Carlo Ernesto Panetta
CARU SINDICU
Caru Sìndicu, vu’ siti….
siti ‘u nostru Cumandanti
e, voliti o non voliti,
parr’ a nòm’ i tutti quanti.
Cchjù di d’unu mi spingìu
pe’ ‘sta lìttìr’ u vi scrivu,
ca vu’ sìt’ amicu i Diu,
sìti còrtu e cumprensivu.
Vista la currispundenza
chi ndavìti vu’ cud’Illu,
mi pressàr’ : usa la Scienza,
cu ‘ssa testa di cardillu !
Ed allura sugnu ccà,
giustu mu chjacchjeriamu,
cu rispett’ e dignità,
non pensati ca su’ ‘mpamu.
Veramenti nullu sapi
chi vi rispundì’ u Signuri:
forzi simu test’’i rapi
senza scienza, senz’ onuri ?
O, c’a testa semp’ a ll’aria,
non seguimu li passaggi
i ‘na storia centenaria
fatta sulu di disagi ?
Chi carcàra chi ndavìti,
mìsu sup’a ‘ssa poltrona,
vu’ ndavèvu m’’u sapiti :
cumandar’è cosa bbona
ma nci voli “test’e pezza”
pemmu tuttu fila lisciu :
quand’’u vinu ‘rriv’a fezza,
l’osti dici : “non capisciu,
fin’ a mò era vinellu,
veramenti supraffinu;
mò chi fazzu ? ‘nt’o cchjù bellu:
perdu l’acqua …e puru ‘u vinu”?
Mò ‘a finìmu cu sta storia
e passam’ad atti cosi,
si m’aiuta la memoria
senza carricàr’a dosi.
Ma non sacci’i undi cuminciu:
sup’a milli ‘nu migghjaru
nci sarrènu , mi cumbìnciu
ca mi fazz’’u sangu amaru.
Non vi parru i precedenti,
ch’ ‘u paìsi ‘mministraru,
d’Assessuri, Presidenti,
i cu’ fu, d’’i voti, faru.
Murdac’ èr’ i ‘nattu mundu
dopp’’i tempi di Migliacciu,
esti mò chi jìmm’o’ fundu …
o sugn’eu chi sugnu pacciu.
Mi ricordu i Pedullà
prim’e Barbaru e di Bonu,
nc’era puru Laganà
e ccocchj’attu sup’’o tronu
ma non fìciar’’i disgrazi
comu stamu mò videndu
chi cercamu sulu “grazi”.
Veni vogghja mu mi ‘mpendu !
Mò su’ tempi di progressu,
si volìm’u jam’avanti,
m’arrivamu semp’o stessu,
senza mu pregam’’e Santi.
Nci sarrènu troppi cosi
d’aggiustari già guastati
e vu’, friscu com’e rosi,
sulu arburi tagghjati.
Nci su’ i fari li Teatri,
speci chillu di Muschetta
chi cuntav’a mia me’ patri,
quandu jèmu ‘n bricichetta.
Chill’i Locri fu già fattu,
finarmenti cunchjudìmma
ma sugn’eu chi su’ distrattu ?
o ancora n’’o laprìmma?
Lungomari non parràmu:
è capitulu segretu
d’i panchìni ndi vantamu,
poi p’’o restu faci fetu.
Si veniti ‘n bricichetta,
‘nsem’a mia c’’u carrozzinu
vi ‘mparati cu è chi aspetta
ogni jornu e d’’u matinu
und’u ‘nchjana ‘u marciappedi
pe’ mancanza di pedani
regulari com’’a fedi
dici d’’i persuni sani.
Chilli pochi a form’e valli
fannu schif’ e sunnu bboni
pemmu sartan’’i cavalli
‘nt’a ‘nu Circu cu’ ‘i leoni.
‘N casu mai sunn’occupati
d’’i cafuni …cchjù non sacciu
e ti dann’ i jèstimati
u capisci cu è llu pacciu.
E li cani scostumati,
o, pe’ chistu, li patruni
fannu chjnu di cacati
marciappedi e non valluni.
Non c’è vigil’ o sordàtu,
chi si vidi quandu servi:
è ‘n paìsi “ assai ‘mpegnatu”,
troppu ùrtanu li nervi.
Mò ‘stu fattu d’’u ‘spitali:
n’’o sapiti ch’è finuta?
Quandu unu staci mali:
sulu Diu ndavi m’’u iùta.
Generali e Presidenti
sulu sordi si pigghjàru
e non fìciaru mai nenti:
sulamenti s’’u spruppàru !
Cu’ era bravu si ndi jìu
e cchjù d’unu si ndi vaj
pecchì, Benidttu Diu,
sunnu vecchj chisti caj.
Tutt’’a Locrid’esti fora,
parinchjìu tutta l’Itaglia,
e nci dàmu sord’ ancora
a ‘spital’i ‘n’atta “maglia”.
Chist’è ‘ndrànghita no l’atta
e non poi cchjù fari nenti,
era chill’’a cos’ esatta:
u ‘mmostramu prima i denti.
Ndavarrìa u s’acchjappa i pettu
cu’ Cumanda, propria ‘n testa,
senza far’’u sorrisettu
quando vènunu p’’a Festa..
Attu c’ amur’e banderi
fari manifestazoni:
dàti càrrica e’ sumeri
cuntr’a chisti mascalzoni !
Caru Sìndicu, mi fermu
ca scantùn’a tutt’’i parti.
c’’o cchjù megghj’esti ‘nu vermu
chi v’allìscia cu tant’arti.
Mi scordava mu vi dicu,
ca ‘nt’a Locri nc’è bisognu
…ma è ‘nu ritornell’anticu,
quasi quasi mi virgognu.
I semàfur’ in paìsi
nci vorrènu ‘na vintina
e su’ già ‘na par’e misi
chi mentìstuvu ‘n vetrina
chillu nov’i via “Palumbu”
cu lu svincol’ o ‘spitali;
ma chi fu problem’e chjumbu?
o cocchjàtta cos’ e mali ?
Mi scusàti si domandu
e vi fazz’ u paccijàti:
chill’’i guasti fin’a quandu
vu’ volìti m’’i dassati ?
E ‘sti ‘strati chin’i buca,
i vallun’e vallunelli:
nu’ ballam’’u Tuca Tuca,
non dicìmu … ‘nt’e vinelli.
Aggiustamma llan’ a ‘ssupa,
Patri Piu m’è testimoni,
prim’’a cas’o si sdarrùpa:
ma qual è ‘a destinazioni ?
Nc’è na cos’ i chi mi lagnu,
speru dànnu nomm’arreca.
Ma cc’a Locri eu mi spagnu
ca chjudìmm’’a Bibblioteca?
Fin’a chi, Sabbettuddeu,
non finisciun’’i lavuri,
chjudìu puru lu Museu
di la Nossidi ( ‘nu hjùri ).
Quanti cosi ‘ndavarrìa
u vi nòmin’a lamentu
ma già chista poisìa
dassu comu documentu!
Caru Sindicu, perciò
eu vi àguru fortuna;
nzò chi fati, fati mò,
sutt’o sul’e sutt’’a luna.
Non è fiss’’o cittadinu
e vi segui ccìttu.ccìttu
ma, si fat’’u “ballerinu”,
mancu cchjù toccàti pìttu!
CarloErnestoPanetta
Locri 14/10/2015
