di Ernesto Panetta (poeta locrese)
RESUSCITA ‘U PALLUNI
Santu Paulu Spadaru
finarmenti riuscìu
‘nta chi era giustu e chjaru,
cu ll’aiutu i Chillu Diu.
{loadposition articolointerno, rounded}
‘U palluni…”chillu veru”
’nt’’a città no nc’era cchjù
ca cu’ prima fu ‘nu zeru
fici ‘a fini d’’i Zulù.
Ed allura Paulellu,
ch’i palluni ndi capisci,
fici ‘n modu ‘nt’’o cchjù bellu
pemm’’i cosi vannu lisci.
Scaternau cu ‘ntelligenza
aundi pòtti scaternari
e, cu stili e cu decenza,
vìtti chi si pòti fari.
Ccussì fici ‘nu squatruni,
attu ca riparazioni,
ch’è già praticu i palluni:
prontu già p’’a “Promozioni”.
Jocaturi, dìttu-fattu,
tutti quanti di ’sperienza
chi unu joca megghju i ‘n’attu.
Bona pur’ ‘a Dirigenza.
Fici ‘o figghju Presidenti,
quattr’amici i chilli boni,
‘llenaturi già vincenti:
Locri è già “Squatra Campioni”!
Carlo Ernesto Panetta
18/08/2014
